Продолжување на рокот за запишување на вториот циклус студии до 30 октомври 2011

Ректорската управа на Универзитетот „Св. Кирил и Методиј" во Скопје, на 153. седница одржана нa 22.9.2011 година, донесе Одлука за продолжување на роковите за реализација на Конкурсот за запишување студенти на втор циклус студии на студиските програми на Универзитетот „Св. Кирил и Методиј" во Скопје во учебната 2011/2012 година, објавен во весникот Дневник на 16.7.2011 година и на интернет-страницата на Универзитетот.

Рокот за пријавување на кандидати за запишување на втор циклус студии на факултетите и институтите во рамките на Универзитетот „Св. Кирил и Методиј" во Скопје се продолжува и ќе трае до 30 октомври 2011 година.

УНИВЕРЗИТЕТ „СВ. КИРИЛ И МЕТОДИЈ" ВО СКОПЈЕ